Uppat a pulo a porcienton ti nalpas iti maar aramid a Transportation Hub iti maysa nga hektarya a kukua ti probinsia iti asideg ti Provincial Engineering compound.
Daytoy ti inrakurak ni Gobernador Mathew Marcos Manotoc kabayatan iti umuna 4 Press Conference na iti daytoy a tawen.
Mamati ti gobernador a dakkel iti maitulong ti nasao a transpo Hub kadagiti ginasut a jeepney drivers and operators dagiti public utility vehicles, buses, taxi ken tricycles pakairamanan dagiti pasaheros babaen iti panangipaay ti interconnectivity ken agserbi a transfer point dagiti pasahero. Mangnamnama ti gobernador nga alisto a makumpleto ti proyekto no agtultuloy iti panagtrabaho dagitoy tapno mabalin metten nga usaren dagiti umili.
Maipalagip nga adda metten iti inpaay ti Department of Transportation a 380 mifyon a pisos a pakpakauna a pundo para iti nadakamat a proyekto.
Ti transportation hub ket maysa pay kadagiti dakkel a proyekto ti gobierno probinsial iti administrasion ni Gob. Marcos Manotoc.
(Irene Ringor)
(Source: Provincial Government of Ilocos Norte)