Usa ka estudyante patay human kini nga nadasmagan sa usa ka Toyota Innova didto sa sa Gatas lungsod sa Kalawit, Zamboanga del Norte gikatahong nag atang ug kasakyan padulong unta mo eskwela didto sa Ipil, Zamboanga Sibugay.
Ang biktima mao si JAIRA MAE ANGEL ATIG ABAO 2nd year student sa kasamtangan gatungha sa Medina sa kursong BS in Pharmacy. Matud pa sa mga nakakita sa mga panghitabo,ang maong estudyante na guyod kini sa wa damha sa sakyan ug napailalom sa sakyanan hinungdan sa kamatayon niini ug didto na nakaplagan sa mga residente nga ang biktima anaa diay sa ilalom sa sakyanan.
Ang driver sa Innova mao si Valentino Goyenechea Sr. gikan pa kini diri sa Dakbayan sa Dipolog, taga Davao City, Matud pa sa sa iyang saysay ang driver nakatulog kini samtang nagbyahe hinungdan nga mitipas ang iyang pagpadagan ug nabanggaan ang maong estudyante.
Sakit pamalundungon sa inahan nga wa siya gadahom nga ang iyang anak diay ang maong nadisgrasya kay siya gatuo nga ang iyang anak nakasakay na kini.
Milabang ang pipila ka oras ayha na nahibaw an sa inahan nga ang iyang anak diay ang napailalom sa sulod sa sakyanan.
Matud pa sa taho gidala pa kini sa hospital sa pagtuo nga maluwas pa ang maong estudyante ug sa paghidangat sa hospital, Dead on Arrival na ang maong estudyante.
Sa hitabo aduna pay laing biktima nga naangol sila Ailyn Sebilo ug Nestor Plandingue.
Sa pagkakaron padayun pang ginasota sa mga kapolisan ang maong aksidente. (Angelica T. Obina, RPN DXKD Correspondent)
