Gisugdan karong adlawa, Enero 23, 2024 ang pinakadakong Suroy-Suroy Sugbo na gipanguluhan ni Cebu Gov. Gwen Garcia.
Adunay 12 ka mga dagkong mga bus uban sa mga besita ang mutuyok sa Northern nga bahin sa probinsya sa Sugbo.
Mao kini ang pinakadako na Suroy-Suroy Sugbo gumikan kay daghang mga besita ang niuban na gikan sa mga nagkadaiyang mga lugar.
Besitahon ang mga kalungsuran ug dakbayan sa Northern part sa probinsya sa Sugbo ug tilawan ang mga nagkadaiyang klasing pagkaon.
Ang lungsod sa Consolacion maoy first stop Municipality diin gitilawan ang mga lamian na pagkaon ug gisaksihan kung unsaon pagbuhat ang sarok.
Ang Suroy-Suroy Sugbo usa kini ka programa ni Cebu Gov. Garcia na nag agni sa mga turista na magbalik-balik sa Sugbo.
Ang probinsya sa Sugbo nabantog sa mga maanindot na mga tourist spot na gibalik-balikan sa mga turista.
Gihangop usab sa mga Sugbuanon ang programa ni Gov. Gwen Garcia kay dako kaayo ning tabang aron maila ug ma diskubrian ang ilang mga lugar. (Renante Lada, photo courtesy of Sugbo News)
