Sikop sa gikasa nga buy-bust operation sa mga personahe sa kapulisan ang usa ka notadong Street Level Individual, pasado alas 9:00 ang takna sa kagabhion, niadtong Marso 17,2025 didto sa Purok Green Village, Brgy Sta. Filomena, ning dakbayan sa Dipolog.
Ang dinakpan naila nga usa ka lalaki 54 anyos ,Lalaki, minyo, panday ug residente sa Purok Green Village, Brgy.Sta. Filomena, Dipolog Zamboanga del Norte, kinsa gidakop pinaagi sa mga personahe sa Dipolog CPS (SDET) kauban ang 901st RMFB, 1st ZN PMFC, RDEU 9 & RID 9 sa koordinasyon sa ZN PDEA 9.
Narikober gikan sa possession ug kontrol sa suspek atol sa operasyon mao ang usa ka small sized heat sealed transparent sachet nga adunay sulod white crystalline granules isip ebidensya sa buy bust; Duha ka small sized heat-sealed transparent plastic sachet nga adunay sulod nga white crystalline granules nga gituohang “shabu”, Usa ka 1,000-peso bill nga buy bust money; Usa ka gamay nga plastic sachet nga gisilbi nga sudlanan; ug Cash money nga nagkantidad ug 36 pesos nga mga sensilyo sa lain-laing denominasyon.
Gibana-bana nga mutimbang ngadto sa 3 gramos ang maong drugas nga adunay standard nga presyo nga mobalor sa P20,400.
Ang mga nakumpiska nga drug items, gi-turn over sa ZDN Provincial Forensic Unit alang sa eksaminasyon, samtang ang nasikop nga suspek gitanggong ubos sa protective custody sa Dipolog CPS alang sa tukmang disposasyon.(Medalyn U. Borja)
Source: ZNPPO