Balhog sa prisohan ang usa ka 32 anyos nga lalaki,homan masikop sa otoridad, mga alas 3:05 ang takna sa hapon niadtong Marso 17,2025,didto sa Brgy. Goleo, Sindangan, Zamboanga del Norte.
Ang dinakpan naila nga si Junafel Martinet De Guzman, 32 anyos, lalaki, ulitawo, walay trabaho ug residente sa Barangay Bago, Sindangan Zamboanga Del Norte,kinsa gidakop pinaagi sa Tracker Team sa Sindangan MPS pinasikad sa Warrant of Arrest sa krimen nga “Violation in Sec. 5(A) sa R.A. 9262” nga adunay Criminal Case No. S-6886-24 nga giisyu niadtong Abril 15, 2024 nga pinirmahan ni Hon. MUDLYN GEONZON MISAL-MARTIN – Presiding Judge, RTC-FAMILY COURT, Ninth Judicial Region, Branch 5, Sindangan Zamboanga del Norte nga adunay piyansa nga girekomendar nga mobalor sa P36,000 alang sa iyang temporaryong kagawasan.
Ang dinakpan gi-refer sa Sindangan District Hospital alang sa physical ug medical examination human gidala gilayon sa Sindangan MPS alang sa dokumentasyon ug saktong disposisyon.(Medalyn U. Borja)
Source: ZNPPO