Balhog karon sa prisohan ang usa ka Newly identified street Level Individual atol sa gikasa nga joint buy-bust operation sa mga operatiba, mga alas 11:55 ang takna sa kagabhion niadtong Nobyembre 16,2025 didto sa Purok 2 Brgy. Sipaloc, Sibutad, Zamboanga del Norte.
Ang maong dinakpan naila nga si alyas “Raf”,27 anyos, lalaki, ulitawo, walay trabaho, usa ka Newly identified SLI ug residente sa Purok Rosal Brgy. Ilaya, Dapitan City, Zamboanga del Norte.
Ang pagkasikop sa drug suspect gihimo pinaagi sa MDET sa SIBUTAD MPS (Lead Unit) kauban ang RSOU9, 1st ZNPFC, 901st MC, RMFB9 ug ZNPDEU, tungod sa paglapas R.A. 9165.
Nasakmit gikan sa suspek atol sa operasyon mao ang Duhaka piraso sa Aluminum Foil;  Usa ka piraso sa gamay nga papel nagsilbing wrapper sa butang; Usa ka unit sa Cellular phone, Infinix smart 7 color white with black casing; Usa ka itom nga pitaka; Usa ka unit sa Honda Beat 110 color Grey nga nagdala sa plate number-299JEO nga adunay yawe.
Ang kinatibuk-ang gibanabana nga gibug-aton sa nakumpiska nga drugas mutimbang sa 2 ka gramos nga mobalor sa P13,600.00 pesos.
Ang mga nakumpiska nga drug items dad-on sa ZN Provincial Forensic UNIT-9 alang sa Chemical Examination.
Samtang , ang suspek anaa na sa kustodiya sa Sibutad MPS alang sa tukmang disposasyon.(MEDALYN U. BORJA)
Source: Sibutad MPS