DAVAO CITY — Usa ka trahedya ang nahitabo pasado alas-7:00 sa gabii, Nobyembre 18, 2025, sa Kimagango, Midsayap, Cotabato Province, sa dihang ang motorsiklo nga gisakyan sa duha ka magkaibigan nabangga sa nakaparadang truck.
Gipang-ila sa kapulisan ang mga sakay sa motorsiklo nga sila Arnel Abestano, residente sa Upper Bulanan, Midsayap, ug si Christian Simblante, 19 anyos, residente sa Milaya, Midsayap.
Sumala sa report, manguha lang unta sila og paniki sa lugar sa Green Valley, Población 8, Midsayap, apan nabangga ang ilang motorsiklo sa truck nga may kargang rice hull.
Gidala dayon sa ospital ang mga biktima. Si Abestano giideklarang dead on arrival, samtang si Simblante giobserbahan pa ug gibalhin sa usa ka pribadong ospital. (Camille Santos Naraga)(Source: Contributed)