Wala na maka iskapo sa kamot sa mga tinugyanan sa balaod ang usa ka bag-ong nailhan nga Street Level Individual,atol sa gikasa nga joint drug buy-bust operation, mga alas 11:20 ang takna sa kagabhion niadtong Enero 5, 2026, didto sa Sta.Isabel, dakbayan sa Dipolog.
Naila ang dinakpan nga drug suspek nga usa ka lalaki, 34 anyos , ulitawo, habal-habal driver, ug residente sa Purok 2, Brgy Sta. Isabel, Dipolog.
Ang pagkasikop gihimo pinaagi sa mga personahe sa Dipolog CPS (SDET) nga gipangulohan sa Chief of Police sa Dipolog CPS (lead unit) uban sa 1st ZN PMFC, ZDN MARPSTA & RDEU 9 uban sa koordinasyon sa PDEA 9.
Atol sa operasyon nakumpiska gikan sa posesyon ug kontrol atol sa suspek mao ang tulo ka piraso nga gagmay nga heat-sealed transparent plastic sachet nga adunay sulod nga puti nga substansya nga gituohang “shabu” ug usa ka piraso sa P500-peso bill nga buy bust money.
Ang nakumpiska nga mga ebidensya sa droga gibanabanang motimbang og 1 gramo nga mobalor sa Php 6,800.
Ang mga nakumpiska nga droga gidala na sa ZDN Provincial Forensic Unit alang sa eksaminasyon, samtang ang nadakpan nga suspek anaa na sa kustodiya sa Dipolog CPS alang sa hustong disposisyon.(MEDALYN U. BORJA)
Source: Dipolog CPS