Gisalmotan sa mga personahe sa Labason Fire Station,ang usa ka Business One-Stop Shop (BOSS) nga gipahigayon didto sa Municipal Hall sa Labason, Zambonga del Norte, niadtong Enero 5,2025.
Ang maong pagsalmot gihimo pinaagi sa pagpangulo ni FINSP JOEL S SABIJON, Acting Municipal Fire Marshal ug gipasiugdahan sa Municipal Government sa Labason.
Tumong niini aron mapahapsay ang pagproseso sa business permits ug uban pang gikinahanglang clearances alang sa mga lokal nga negosyante isip pagpasiugda sa kasayon sa pagnegosyo.
Samtang, ang partisipasyon sa Labason Fire Station nagpakita sa padayon nga pagsuporta niini sa mga paningkamot sa lokal nga kagamhanan nga nagsiguro sa kaluwasan sa publiko ug paglikay sa sunog sulod sa munisipalidad.(MEDALYN U. BORJA)
Source: Labason Municipal Fire Station