Boluntaryong gi-surrender sa usa ka indibidwal ang usa ka dili lisensyado nga armas atol sa gipakusog nga information drive isip suporta sa kampanya batok sa mga loose firearms ug explosives nga gihimo sa mga personahe sa kapulisan didto sa Barangay Poblacion, Baliguian, Zamboanga del Norte, niadtong Abril 28,2026.
Giila ang maong indibidwal nga usa ka lalaki, kinsa boluntaryong mitahan sa iyang dili lisensyado nga armas usa ka yunit sa improvised shotgun nga walay serial number ug walay buhing bala.
Ang pagtahan gihimo pinaagi sa law enforcement operation sa mga personahe sa Baliguian Municipal Police Station.
Kining malampusong operasyon nagpakita sa walay hunong nga dedikasyon sa atong mga personahe sa pagpuo sa mga loose firearms aron mapanalipdan ang atong komunidad.(MEDALYN U. BORJA)
Source: Baliguian MPS ZNPPO