Imbis nga manok, rehas ang gihimas karon sa usa ka handler ug manok homan masikop ug makumpisakan sa kapulisan ug mobalor sa kapin sa ₱1,000,000 nga kantidad sa ilegal na drugas atol sa gipatoman nga search warrant sa mga operatiba didto sa Purok Ismeralda Ilaya Dapitan City, Zamboanga Del Norte mga 10:51 ang takna sa buntag, niadtong Enero 25, 2026.
Ang maong dinakpan naila nga si alyas “Emar” 37 anyos,minyo, usa ka handler og manok ug residente sa nasangpit nga lugar kinsa gidakop pinaagi sa mga personahe sa SOU 9 Operatives (Lead unit) uban sa PDEA ZN, ZNPDEU, Dapitan City Police Station, TSP 1st ZNPMFC ug CDET sa bisa sa search warrant tungod sa paglapas sa Section 11, Article 2 sa RA 9165 (Comprehensive Dangerous Drugs Act of 2002) nga gi-isyu ni Hon. Presiding Judge JOSE RENIE DONDOYANO sa Branch 6 Hall of Justice 9th Judicial Region, Dipolog City Zamboanga del Norte .
Nakumpiska gikan sa suspek mao ang ebidensya sa drugs nga gilangkuban sa Usa ka piraso sa big size knot nga gihigot nga transparent plastic cellophane nga adunay sulod nga white crystalline substance nga gituohang shabu; Duha ka piraso sa rectangular medium size nga heatsealed transparent plastic nga giputos og puti nga crystalline substance nga gituohang shabu; Siyam ka piraso sa rectangular small size heat sealed transparent plastic packed nga adunay sulod nga white crystalline substances nga gituohang shabu.
Nakumpiska usab ang butang nga dili druga sama sa Usa ka pouch bag nga kolor itom ang nagsilbing sudlanan sa droga,Usa ka coin purse nga kolor itom ang nagsilbing sudlanan sa droga,Duha ka piraso sa weighing scale, kolor silver,Usa ka piraso sa gamay nga weighing scale kolor itom,Usa ka piraso sa plastik nga kolor blue nga gigamit isip sudlanan sa maong drugas.
Gibana-bana ang nakumpiskang druga nga mutimbang sa 150 gramo nga adunay Standard Drug Price nga mobalor sa ₱1,020,000.00
Ang dinakpan nga suspek gipahibalo sa hinungdan sa iyang pagdakop ug katungod sa konstitusyon sa usa ka pinulongan nga hingpit niyang nasabtan ug anaa na kini karon sa Dapitan City Police Station alang sa tukmang disposisyon.
Samtang ang mga nakuhang ebidensya sa drugas,gidala usab sa Dapitan CPS alang sa laboratory examination.(MEDALYN U. BORJA)
Source: OIC,SOU 9