Nagpatuman og Emergency Medical Assistance ug flushing activities ang mga personnel sa Katipunan Municipal Fire Station ubos sa pagpanguna ni Fire Inspector Richard A Parame atol sa Sinulog celebration nga gipahigayon sa Katipunan Municipal Plaza, Barangay Uno, niadtong Enero 24, 2026.
Gipwesto sa estratehikong mga dapit ang mga BFP personnel, lakip ang emergency medical equipment ug standby response teams, aron masiguro ang kaluwasan ug kahimsog sa mga nanambong ug sa kinatibuk-ang publiko atol sa kalihokan.
Ang inisyatiba nagpakita sa padayong commitment sa Bureau of Fire Protection sa public safety, kahandam sa emerhensiya, ug matinud-anong pag-alagad sa komunidad ilabi na panahon sa dagkong kalihokan ug kasaulogan.(JENIFFER JR. DELICA)
Source: BFP R9 Katipunan Fire Station