Dipolog: Usa ka empleyado sa DPWH, sikop sa drug buy-bust operation

0
9

Sikop sa gikasa nga drug buy-bust operation sa mga personahe sa kapulisan ang usa ka emplyedo sa DPWH didto sa Purok Bularan, Miputak, ning dakbayan sa Dipolog, mga alas 6:45 ang takna sa kabuntagon, Lunes, Mayo 20, 2024.

Naila ang dinakpan nga si PAUL BAES JARANTILLA JR., 40 anyos, lalaki,ulitawo, usa ka empleyado sa DPWH, ug residente sa Purok Malayan 1, Brgy. Mibang, Dipolog City, Zamboanga del Norte, kinsa gituohan nga usa ka HVI pusher/buyer.

Nasikop kini sa mga personahe sa ZN PDEU pinangulohan ni PCPT GIOVANNI E ICALINA, OIC-PDEU (Lead Unit) kauban ang mga operatiba sa Dipolog CPS, ZN 1st PMFC, ZNPIT-RIU9, ZNMARPSTA MG9 ug 901st RMFB.

Nasakmit gikan sa possession sa suspek atol sa operasyon maong ang;Usa ka pakete sa gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu” isip Buy- Bust item; 13 ka pakete sa gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu”;

Usa ka piraso sa P500 peso bill isip Buy-Bust money;Usa ka piraso nga pakete sa sigarilyo nga New Berlin nagsilbi nga sudlanan sa mga butang nga tambal; Usa ka piraso nga walay sulod nga sachet nagsilbi nga sudlanan sa mga butang nga droga.

Gituohang mutimbang sa gibana-gibanang gibug-aton nga 2 gramos ang nakuha nga drugas ug gibanabana nga mobalor sa P13,600 pesos.

Ang suspek gidala sa Dipolog CPS alang sa dokumentasyon dayon sa Corazon C Aquino Hospital alang sa medical ug physical examination ug dad-on sa Zamboanga del Norte Provincial Forensic Unit-9 alang sa drug testing uban sa mga piraso sa drug evidence para sa chemical examination ug pagtimbang ug ang mga non-drug item evidence gidala sa Seizing officer.

Mag-atubang sa kasong paglapas sa RA 9165 ang suspek ngadto sa korte. (Medalyn U. Borja)

(Source: Dipolog CPS)

Leave a Reply