Dipolog: Usa ka drug pusher sa ilegal nga drugas, sikop drug buy-bust operation

0
5
(Photo credits to the owner)

Dakpan sa hiniusang drug buy-bust operation sa kapulisan,ang usa ka drug pusher/user sa ilegal nga drugas, didto sa Miputak, ning syudad sa Dipolog,mga alas 11:10 ang takna sa kagabhion,Mayo 4,2024.

Ang dinakpan giila nga si alyas “Rodel” 40 anyos, Lalaki, menyo, usa ka mangingisda, ug residente sa Purok Riverside, Brgy.Barra, ning dakbayan sa Dipolog, kinsa usa ka DI watchlisted pusher/buyer.

Nasikop kini sa mga personahe sa ZN PDEU sa pagpanguna ni PCPT GIOVANNI E ICALINA, OIC-PDEU (Lead Unit) kauban ang mga operatiba sa Dipolog CPS,ZN 1st PMFC ug 901st RMFB.

Atol sa operasyon nasakmit gikan sa possession ug kontrol sa suspek mao ang ,Usa ka piraso nga gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu” isip (Buy- bust item), pulo ka pakete nga gamay nga gidak-on nga heat-sealed transparent plastic sachet nga adunay sulod nga puti nga crystalline granules nga gituohang “shabu”,Usa ka ka piraso sa Five Hundred Peso bill isip Buy-bust money, Usa ka pakete sa sigarilyo nga nagsilbi nga sudlanan, ug usa ka unit nga cellular phone cherry mobile keypad kolor itom.

Ang mga nakumpiska nga gidudahang delikado nga drugas motimbang sa 2 gramos nga adunay market price nga mobalor sa kapin o kulang P13,600 ug gitugyan kini ngadto sa ZDN Provincial Forensic Unit alang sa qualitative ug quantitative examination.

Samtang, ang suspek anaa na sa kustodiya sa Dipolog CPS alang sa tukmang disposasyon. (Medalyn U. Borja)

(Source: Dipolog CPS)

Leave a Reply