Tingkagol karon sa prisohan ang usa ka construction worker homan masikop atol sa gikasa nga joint buy-bust operation sa mga personahe sa kapulisan mga alas 12:45 ang takna sa udto niadtong Disyembre 21, 2025, didto sa Purok Beans, Barangay Lower Irasan, Roxas, Zamboanga del Norte.
Ang dinakpan nga suspek naila nga usa ka 30 anyos nga lalaki, ulitawo, construction worker ug residente sa South Curvada, Barangay Galas, Dipolog City, Zamboanga del Norte.
Ang pagkasikop gihimo pinaagi sa mga personahe sa Roxas Municipal Police Station (MPS) isip lead unit, uban sa koordinasyon sa mga elemento sa 97th Infantry Battalion, Philippine Army, Zamboanga del Norte 1st Provincial Mobile Force Company (PMFC), ug 901st Maneuver Company, Regional Mobile Force Battalion 9 (RMFB9) sa bisa sa Warrant of Arrest alang sa kasong paglapas sa Comprehensive Dangerous Drugs Act of 2002, ilabina ang Sections 5 ug 11, Article II sa Republic Act No. 9165, subay sa mando nga gipetsahan Oktubre 27, 2025, nga gi-isyu ni Hon. Felin Revelo Legara-Comidoy, Acting Presiding Judge, Regional Trial Court, 9th Judicial Region, Dipolog City, nga gipetsahan ug Nobyembre 5, 2025.
Ang nadakpan nga wanted person gipahibalo sa iyang mga katungod sa konstitusyon ug anaa na kini karon sa kustodiya sa Roxas Municipal Police Station alang sa hustong dokumentasyon ug disposisyon.(MEDALYN U. BORJA)
Source: ZNPPO