Usa ka klase sa langgam nga nailhang usa ka Brahminy Kite, mangdaragit nga langgam nga lumad sa Pilipinas ang malampusong gipagawas balik ngadto sa lasang sa Cogon Eco-Tourism Park, niadtong Hunyo 4, 2024.
Ang maong pagpagawas sa matang sa langgam gipangunahan sa buhatan sa City ENRO ug DENR-CENRO ug matod pa naluwas kini gikan sa usa ka residente sa Brgy. Dicayas.
Base sa Republic Act No. 9147 o ang Wildlife Resources Conservation and Protection Act of 2001 kini nagbutyag sa pagdili pagpanag-iya sa maong klase sa wildlife.
Sumala sa International Union for the Conservation of Nature (IUCN), ang maong populasyon sa matang sa langgam anaa sa listahan sa ingong “Least Concern,” diin naobserbahan nga ang populasyon niini sa kalasangan niminus na. (Medalyn U. Borja)
(Source: Dipolog ENRO)