Karong adlawa, Hunyo 11, 2024, adunay usa ka special session ang pagahimuon sa Konseho sa siyudad sa Sugbo kabahin kini sa igahin nga P7 milyon nga tabang sa mga biktima sa pagbuto sa bulkang Kanlaon, didto sa Isla sa Negros, niadtong Hunyo 3, 2024.
Awhag kana ni Acting Mayor Raymond Alvin Garcia nga motabang sa mga apektado sa pagbuto sa bulkang Kanlaon, nga gitubag sa Konseho sa siyudad sa Sugbo.
Sa niaging semana human sa pagbuto sa maong bulkan nagduso og resolusyon si
Konsehal Joel Garganera, chairman sa Committee on Disaster Risk Reduction and Management, Safety, and Climate Change Adaptation sa konseho, maoy mangamahan sa resolusyon alang sa maong hinabang.
“This phenomenon warrants immediate measures and intervention to help our neighboring region cope with this calamitous situation,” matod sa gidusong resolusyon ni Konsehal Garganera, nga tukion sa konseho sa usa ka online special session alas tres sa hapon ugma.
“(T)he Cebu City Government…sympathizes with the LGUs’ plight and strives to provide support during this very challenging time and concurs to extend financial assistance,” gibutyag usab sa CCDRRMC.
Giila na usab ang mga lugar nga hatagan og tag-P1 ka milyon isip hinabang, ang Bago City, La Carlota City, La Castellana, Moises Padilla, Pontevedra sa Negros Occidental, samtang P2 milyones ang alang sa Canlaon City sa Negros Oriental.
Gitataw ni Acting Mayor Garcia nga depindi sa konseho kung ila ba kining pagamyan o kaha padak-an ang kantidad, ang mas mahinungdanon mao nga motabang ang dakbayan sa Sugbo sa atong silingang mga dapit.
Sa maong resolusyon ni Konsehal Garganera nipasabot na ang pundo alang sa hinabang kuhaon sa Local Risk Reduction and Management Fund sa Cebu City Disaster Risk Reduction and Management Office. (Renante Socia Lada)
(Source: Cebu City PIO)