Ang Philippine Veterans Affairs Office (PVAO) inubanan sa Veterans Federation of the Philippines (VFP), ang magpahigayon sa dakung aktibidad pinaagi sa Unified Identification (ID) Caravan nga ipahinungod lamang sa mga PVAO pensioners, ug sa mga retiradong Armed Forces of the Philippines (AFP), ingon man sa mga kwalipikadong dependents niini ug gipasulabi kadtong mga nabiyaan nga kapikas nga mitaliwan na kun “surviving spouses”diin ipahigayon niadtong Mayo 22–23, 2025, gisugdan may alas 8:00 sa buntag didto sa 2nd Floor, Museo Dipolog City.
Ang maong aktibidad tinguha niini ang kabahin sa pagpaningkamot sa PVAO nga magpatuman ang usa ka sentralisado ug mas episyenteng sistema sa pag-ila (Unified ID system) alang na sa ilang mga benepisyaryo, ug aron usab ma-update ang data base niini sa mga pensyonado alang sa pagsiguro nga madawat ug hapsay nga paghatag sa mga benepisyo ug sa pagserbisyo matag usa niini.
Ang nasangpit nga ID Caravan ni PVAO gilangkuban ug gipanguluhan sa Zamboanga Head, Mr. Louie Jay D. Losaria, uban ang suporta sa PVAO Central Office, ug sa koordinasyon ni VFP District President, Ret. Col. Ernesto M. Simon, kinsa mi-facilitate ug timbaya sa ilang pag-abot dinhi sa dakbayan.
Sa niadtong Mayo 21, 2025, ang mga nahisgutang mga bisita ang mipahigayon usab ug Courtesy Visit ngadto sa ikaduhang amahan ning siyudad nga si City Vice Mayor ug Acting City Mayor, Senen O. Angeles didto sa City Mayor’s Office, sa pagsiguro nga mapahibalo ug adunay pormal nga pagpahibalo mahitungod na sa maong aktibidad ngadto sa Kagamhanang Lokal lakip na ang pagpangayo ug suporta niini isip opisyal ning siyudad.
Pinaagi niining maong kalihukan ang maong buhatan gadasig sa tanang pensyonado ug mga dependents niini nga lumulupyo sa Zamboanga del Norte ug sa mga silingang mga probinsya nga motungha sa nahisgutang caravan, diin garbo ning syudad sa Dipolog nga maoy nahimung host sa maong aktibidad.
Para sa kasayuran sa tanan kinsa kadtong mga interesado giawhag nga magpangutana ngadto sa buhatan sa PVAO Zamboanga ingon man sa ilang matag tagsa nga lokal nga kapunongan sa VFP.(Angelica T. Obina)
Source: Dipolog City Information