Usa ka dakong kalampusan ang natala sa Police Regional Office 7 (PRO7) human kini makatala og 32.32% nga pagkunhod sa 8 Focus Crimes sa Central Visayas.
Gikan sa 1,256 ka insidente nga natala gikan Enero 1 hangtod Mayo 20 sa tuig 2024, mikunhod kini ngadto sa 850 sa samang petsa karong tuiga, 2025.
Ang 406 ka kaso nga pagminus giila nga resulta sa gipakusgang kampanya batok krimen, nga gisunod pag-ayo ang direktiba sa Chief, Philippine National Police (PNP), si PGEN Rommel Francisco D. Marbil.
Ang 8 Focus Crimes naglakip sa mga krimen nga labing nakaapekto sa kalinaw ug kahapsay sa komunidad, murder, homicide, physical injury, rape, robbery, theft, carnapping, ug motorcycle theft. Pinaagi sa inteligemce-based nga pagpanginspeksyon, dugang presensya sa kapulisan, ug targeted nga mga operasyon, epektibong napahinay sa PRO7 ang kalihukan sa krimen sa rehiyon.
Tanang yunit ubos sa PRO7 nakapakita og pagkunhod, diin ang Cebu Provincial Police Office (PPO) nag-una sa labing daghang minus nga 114 ka kaso, samtang ang Bohol PPO misunod sa 92. Ang Lapu-Lapu City Police Office mitaho og 29 ka kaso nga pagkunhod, samtang ang Mandaue City Police Office adunay 15.
Gipasidunggan ni PBGEN Redrico A. Maranan, Regional Director sa PRO7, ang tanang sakop sa kapulisan sa ilang paningkamot.
Ubos sa temang “Bagong Pilipinas,” padayon ang PRO7 sa ilang misyon nga magmugna og luwas nga mga komunidad pinaagi sa aktibo nga pagpanginspeksyon ug pagsalig sa katawhan.
Source: PRO7
I via Renante Socia Lada
#rpndykccebu