Napuno sa musika ug kusog nga cheering ang Dipolog Boulevard atol sa First Elimination Night sa P’gsalabuk Singing Idol Season 15 nga gipahigayon niadtong Mayo 15, 2026 isip kabahin sa selebrasyon sa ika-27 nga P’gsalabuk Festival.
Nagpasundayag sa ilang talento sa pagkanta ang mga lokal nga contestants nga mitambong sa kompetisyon, samtang gidagsa sa mga residente ug supporters ang venue aron motan-aw ug mosuporta sa mga performers.
Gipasiugdahan sa City Tourism Office of Dipolog pinaagi sa City Government of Dipolog ang maong kalihokan aron mahatagan og oportunidad ang mga Dipolognon nga mapakita ang ilang abilidad sa musika ug performing arts.
Nakadugang usab og kasadya ug kalingawan sa festival celebration ang singing competition samtang gipasiugda niini ang lokal nga talento, panaghigalaay, ug partisipasyon sa komunidad.(IKEN B. GULLEM)
Source: Dipolog City Government