Malampusong gipahigayon ang unang Ugnayan at Serbisyo ng Bayan-Barangay Caravan alang karong tuiga didto sa Barangay Sangkol ning siyudad sa Dipolog, Marso 3, 2023 ilawom sa pagpasiugda sa kagamhanang lokal sa pagpanguna ni City Mayor Darel Dexter T. Uy ug mga opisyales niini.
Duyog sa hugot nga koordinasyon sa mga Barangay officials sa nasangpit nga barangay sa pagpanguna ni Punong Barangay Rogelio Reganion, tinambongan sa mga lomolopyo sa barangay Sangkol nahimong mabolokon ug masadya ang maong kalihokan.
Nagkalain-laing mga serbisyo ang gidala sa mga buhatan ilawom sa City Government alang sa mga taga-Barangay.
Makita gikan sa panagway sa mga katawhang mitambong ang kamaya ug mainitong pagdawat sa mga kawani sa kagamhanang lokal sa Dipolog.
Mga serbisyo nga gitanyag ang gilangkoban sama sa:
Libreng konsulta ug paghatag  mga tambal alang sa mga yanong balatian, libreng tuli, pagpang-alot, paghulagway alang sa ID, mga tambag legal, nga naglangkob sa Civil Registry ug uban pa, programang “Barangay Suga, Barangay Patubig, pagpanghatag sa libreng liso sa utanon, mga kahigayonan sa pagpanarbaho, libreng pag-apply alang sa National ID ug daghanan pa gikan sa mga nagkalain-laing buhatan.
Gihimo usab atol sa Barangay Caravan ang pag-turn over sa usa (1) ka unit nga 7 horse power water pump uban usab sa duha ka rolyo sa water hose ug abono alang sa Barangay Sangkol isip kagamitan niini pinaagi nila ni Mayor Uy ug City Agriculturist, Engr. Kerr N.Porlas.
Sa sayong bahin sa susamang adlaw, malamposon usab ang pag-turn over sa usa (1) ka unit Solar Dryer didto sa may alas 8:00 ang takna sa buntag nga gipangunahan mismo ni Mayor Darel Uy, diin gilantaw nga mapahimuslan sa atong mga mag-uuma.
(Source: Dipolog City Government Facebook page)