Nakasungkit og 5,380 ka pasyente ang libreng medical ug surgical services atol sa tulo ka adlaw nga 292nd Tzu Chi Medical and Surgical Mission sa Zamboanga del Norte. Gipresentar ni Dr. Josefino Qua, head sa Tzu Chi International Medical Association Philippines, ang maong datos atol sa Gratitude Night kagahapon sa Zamboanga del Norte Cultural and Sports Center.
Pinakadaghan ang nakapahimulos sa Eye Care nga mikabat og 1,481, gisundan sa General Medicine nga 1,407, Dental nga 1,102, Pediatrics nga 611, ENT nga 361, OB-Gyne nga 286 ug Surgery nga 132. Sa mga operasyon, nakahimo ang surgical team og 54 ka thyroid surgeries, 22 ka hernia operations ug 56 ka minor surgeries.
Nagpasalamat si Dr. Qua sa mga lokal nga opisyal, health professionals ug mga boluntaryo nga mitabang sa pagpatuman sa maong misyon. Gilauman usab niya nga maimbitahan pag-usab ang Tzu Chi medical team sa Zamboanga del Norte sa sunod tuig aron mapadayon ang paghatag og libre nga serbisyo medikal sa mga nanginahanglan.(JENIFFER JR. DELICA)
Source: Zamboanga del Norte Provincial News Network