Usa ka Turn-Over Program ang malampusong napahigayon sa DOLE Assisted Livelihood Project sa Kabuhayan Starter Kits niadtong Hunyo 3, 2024.
Ang maong programa gisuportahan sa Mayor sa dakbayan sa Dapitan nga City Mayor Seth Frederick P. Jalosjos,uban sa presensya sa DOLE Provincial Director Aileen B. Mondejar, ug gitambungan usab sa City Councilor Joseph Ryan A. Agolong, kauban si PESO Manager Engr. Nonito A. Malacat ug Livelihood Coordinator Ms. Susan Q. Empeynado nga maoy nagpahigayon ug misaksi sa seremonyas ,diin 35 ka pamilya ang naka benepisyo sa maong programa.
Gilatid sa maong proyekto mao ang alang sa mga ginikanan, sa ilang pagpanguma, cosmetology, street food vending, hog raising, dress making, carpentry, baking, welding, ug uban pa, diin ang capital fund nga P30,000 matag kinatibuk-an sa kabuhayan starter kits gihatag na kanila pinaagi sa DOLE isip pagpatuman sa ilang gipili nga livelihood program.
Ang mga benepisyaryo nga mga ginikanan sa mga child laborers nga gi-assess ug gipili sa Department of Labor & Employment, Kabuhayan starter kits project gitipik nga usa ka komprehensibo nga inisyatibo nga nakatutok sa pagpataas sa socio-economic status sa mga ginikanan sa mga child laborers.Usa ka pag-establisar og malungtarong panginabuhian ug pakigbatok sa kakabos. (Medalyn U. Borja)
(Source: City Government of Dapitan)