Sunod-sunod na nga nadakpan sa mga pulis ang gi alegar nga gun man ni Brgy. Macleodes, Polanco kapitan Leopoldo Atad.
Sa miaging semana una nga nadakpan ang usa ka alyas Tata taga Balucot, Tambulig, Zamboanga del Sur human nasayran sa mga otoridad ang identidad nga gisumbong sa mga saksi ug pinaagi sa CCTV Footage nga nakalap sa mga pulis.
Kahibaloan nga kalit lamang gisulod sa ilang pinuy-anan ang biktima nga walay kaluoy kining gipusil sa mamunono nga riding in tandem.
Sa dihang gi sikop ang unang suspek laing kauban niini usab ang nadakpan didto sa Maranding, Lala, Lanao del Norte nga gitudlo sa unang nadakpan nga didto kini nag tago human sa krimen.
Ang nadakpan didto sa Lanao del Norte maoy mihatag ug sakto nga impormasyon kun gi unsa nila pag plano ang pagpatay sa kapitan kini ang resulta sa gihimong imbistigasyon sa mga pulis sa Zamboanga del Norte pinangulohan ni director Police Rainer Diaz.
Samtang ang ikatulo nga nadakpan taga Sapang Dalaga, Misamis Occidental nga giilang si alyas Roy² nga maoy giingong financer.
Nakuha usab sa otoridad ang plate no. sa sakyanan nga naglambigit sa suspek pinaagi sa tabang sa LTO ug HPG.
Posibleng mahatagan na kini ug kasulbaran nga krimen sanglit tin-aw na ang pipila ka ebidensya nga nag tumbok sa nagsugo sa krimen nga mao karon ang gipalawman sa PNP, CIDG ug kasundalohan.(Angelica T. Obina)
SOURCE: BANAT MINDANAO