Gipasidunggan sa Municipality of Rizal ang tulo ka mga atleta human sila makadala og dungog sa lungsod pinaagi sa ilang maayong pasundayag sa Addidas Open International Karate Championship 2026 nga gipahigayon sa Jakarta, Indonesia.
Gihatag ni Mayor Marissa D. Manigsaca ang mga Plaque of Recognition kang Izzy Steph Mah, Kim Villocillo ug Ian Stephen Mah atol sa flag raising ceremony isip pag-ila sa ilang talagsaong kalampusan sa internasyonal nga kompetisyon.
Ang tulo kabahin sa “Batang Karate: Mga Anak ni Mayora Marissa,” usa ka programa sa lokal nga panggamhanan nga nagtumong sa pagpalambo sa talento ug disiplina sa kabatan-onan pinaagi sa karate.
Sumala sa lokal nga panggamhanan, ang kalampusan sa mga atleta nagpamatuod sa lig-on nga suporta sa lungsod sa sports development ug gilauman nga mahimong inspirasyon sa ubang kabatan-onang Rizalian sa pagtinguha og kalampusan ug pagdala og dungog sa Rizal bisan sa internasyonal nga entablado.(JENIFFER JR. DELICA)
Source: Municipality of Rizal