27.2 C
Manila
Friday, March 29, 2024

Dipolog: Tulak ng shabu arestado ng otoridad

- Advertisement -

Laing nasikop nga giingong tigduso og ilegal nga drugas atol sa hiniusang drug buy bust operation ug pag-serve sa search warrant sa Dipolog Special Drug Enforcement Team sa Dipolog City Police Station nga gipangulohan ni PLt Ber John Tianok, Chief Intelligence ubos usab sa koordinasyon sa PDEA mga alas 6:41 sa buntag, Mayo 26, 2023 sa may Purok Chrismus, Barangay Sicayab, dakbayan sa Dipolog.

Giila ang gidakop nga si Marisa Mislujani Esnani ug nailhan usab nga si Marisa Esnane Nasi, 42 anyos, dalaga, walay trabaho ug residente sa nahisgutang lugar.

Nakuha gikan sa posisyon ug kontrol ni Marisa ang siyam ka medium sized nga pakete sa gituohang shabu, usa ka gamay nga pakete sa shabu nga napalit sa poseur buyer gikan kang Marisa isip buy bust evidence, usa ka P1,000.00 peso bill nga gisilbing buy bust money, usa ka gusot nga papel nga gisilbi nga sudlanan sa shabu, P1,030.00 pesos sa lain-laing denominasyon isip kita nga kuwarta, cell phone ug mga drug paraphernalia.

Sa gihimong pagpangita sulod sa balay ni Marisa, napalgan ang upat ka gagmay nga pakete sa gituohang shabu nga gisulod sa bulsa sa longsleeve polo shirt, usa ka open transparent plastic cellophane nga gisudlan sa shabu, usa ka tin wrap nga kolor gold, usa ka improvised. tooter, usa ka improvised scoop, tulo ka open transparent sachets, usa ka improvised aluminum foil nagsilbing flame reducer, duha ka improvised aluminum foil nagsilbing gutter ug usa ka styrofoam box nga gisudlan sa mga drug paraphernalias.

Si Marisa gidala sa Provincial Crime Laboratory Office alang sa drug testing lakip na ang mga nakumpiska nga drug items alang sa chemical examination.

Samtang ang dinakpan anaa na sa kustodiya sa Dipolog City Police Station ug nag-atubang sa kasong kalapasan sa Republic Act 9165 o Comprehensive Dangerous Drugs Act of 2002. (Rosevelt Mondinido)

- Advertisement -

Leave a Reply

- Advertisement -

Related Articles

- Advertisement -
- Advertisement -

Latest Articles

- Advertisement -