Nadakpan sa gihimong hiniusang operasyon sa mga tinugyanan sa balaod ang usa ka Top 9 most wanted person (Municipal Level) mga alas 5:46 ang takna sa hapon,Hunyo 2,2025,Barangay Lawis, Sindangan, Zamboanga del Norte.
Naila ang dinakpan nga si Ronilrey Planteras Balwit, 50-anyos, lalaki, ug residente sa Barangay Pangalalan, Sindangan,ZDN kinsa gi-tag isip Top 9 Most Wanted Person (Municipal Level) tungod sa Paglapas sa Republic Act 9262 (Anti-Violence Against Women and Their Children Act of 2004) nga giisyu sa tukmang judicial authority niadtong Septiyembre 17, 2024, nga adunay girekomendar nga piyansa nga mobalor sa P80,000.
Gihimo ang operasyon pinaagi sa Tracker Team sa Sindangan MPS, uban sa koordinasyon sa Provincial Intelligence Operatives.
Ang suspek gidala sa Sindangan District Hospital alang sa medical examination ug karon anaa na sa kustodiya sa Sindangan MPS alang sa tukmang disposasyon ug pagpasaka og kaso.(Medalyn U. Borja)
Source: ZNPPO