Ang Lokal nga Kagamhanan sa dakbayan sa Dipolog inabagan sa City Nutrition Division ang galunsad sa duha ka adlaw nga training alang sa “Philippine Integrated Management of Acute Malnutrition o (PIMAM) for Children Under Five Years of Age” kaniadtong Hunyo 2 hangtud 3,2025 didto sa Social Hall, 2nd Foor, City Hall ning dakbayan.
Ang mga nahisgutang training ang gipanguluhan ni City Nutrition Action Officer, Ms. Riza Jane B. Zamoras inubanan sa mga kawani sa ilang buhatan,ug gilangkuban kini sa 42 ka partisipante nga nag gumikan sa mga Barangay Nutrition Scholars ug Midwife o Nurse, diin gisalmutan usab sa 21 ka Barangay ning siyudad.
Ang maong training tinguha niini mahatagan sa dugang kahibalo ang matag Barangay Health Workers, pinaagi niini mapalig-on ang ilang kahibalo ilabina na sa pag atubang sa problema lakip na aa pagsulbad sa malnutrisyon ilabina sa mga bata nga wa pa nagpangidaron sa 5 anyos.
Apil sa mitimbaya sa pagtambong mao ang mga Lecturers nga sila City Nutrition Program Coordinator and Nutritionist Dietitian, Mr. Isaiah Thomas E. Lim, Nutritionist-Dietitian, Ms. Lovely C. Ada ug City Health Office Nurse II, Ms. Marycris L. Torres nga misaysay sa mga mahinungdanong hisgutanan sama sa Introduction to Philippine Integrated Management of Acute Malnutrition, Identification of Acute Malnutrition, Community Mobilization, Governance ug uban pang mga importante nga topic.
Ang Kagamhanang Lokal ning dakbayan sa pamunuan ning amahan sa siyudad nga si City Mayor Darel Dexter T. Uy ang sa kanunay gahatag suporta sa mga programa ilabina sa programa sa kahimsog sa kalawasan, ilabina sa problema sa kabataan sa Malnutrisyon.(Angelica T. Obina)
Source: DIPOLOG CITY INFORMATION OFFICE