Wala na maka iskapo sa kamot sa mga tinugyanan sa balaod homan masikop ang nailhang Top 9 Most Wanted Person City Level atol sa manhunt enforcement operation niadtong Pebrero 9, 2026 mga alas 10:20 ang takna sa buntag, didto sa Brgy. Potungan, Dapitan , Zamboanga del Norte.
Ang maong wanted person naila nga si alyas “AL” 18-anyos, lalaki, ulitawo, walay trabaho ug residente sa Southern Poblacion, Plaridel, Misamis Occidental kinsa gidakop pinaagi sa mga operatiba sa Dapitan City Police Station uban sa mga personahe sa 5th SOU Mabuhay SBC, 901st MC, RMFB9 ug 1st ZNPMFC pinasikad sa warrant of arrest nga gi-isyu ni Hon. Florendo Bolante Opay, Presiding Judge, Family Court, Ninth Judicial Region, Branch 4, Dapitan City, Zamboanga Del Norte nga gipetsahan Abril 2, 2025 nga adunay girekomendar nga piyansa nga mokabat sa P100,000.
Ang dinakpan gipahibalo sa hinungdan sa iyang pagkadakop ug katungod sa konstitusyon sa usa ka diyalekto nga hingpit niyang nasabtan ug anaa na kini karon sa kustodiya sa Dapitan CPS alang sa hustong disposisyon.(MEDALYN U. BORJA)
Source: Dapitan CPS ZNPPO