Balhog na karon sa prisohan ang usa ka Top 8 Most Wanted Person (Municipal Level) sa kasong Frustrated Homicide,atol sa gipatoman nga joint intelligence -driven operation,didto sa Barangay West Poblacion, Garcia- Hernandez Bohol, niadtong Hulyo 28,2026.
Naila ang dinakpan nga wanted person nga usa ka 20 anyos kinsa nalista isip Top 8 Most Wanted Person (Municipal Level) sa Polanco Municipal Police Station.
Gidakop pinaagi sa Garcia- Hernandez Municipal Police Station,Bohol Police Provincial Office, PRO 7, sa koordinasyon sa Polanco Municipal Police Station, pinasikad sa warrant of arrest alang sa kasong Frustrated Homicide nga gi-isyu ni Presiding Judge sa Regional Trial Court,Ninth Judicial Region, Branch 9, Dipolog City, Zambonga del Norte nga gipetsahan ug Enero 24,2025 ug adunay girekomendar nga piyansa nga P72,000 ka pesos alang sa temporaryong kagawasan.
Ang dinakpan gipahibalo sa hinungdan sa iyang pagkadakop ug mga katungod sa konstitusyon ug anaa na kini karon sa kustodiya sa Garcia Hernandez Municipal Police Station alang sa hustong disposisyon ug sa pagpatoman sa angay nga proseso.(MEDALYN U. BORJA)
Source: ZNPPO