Sa nagpadayong kampanya batok sa mga pinangita balaod,usa ka malampusong law enforcement operation, ang miresulta sa pagkasikop sa inila nga Top 7 Most Wanted Person,niadtong Agusto 14,2025,Barangay Lawis, Sindangan, Zamboanga del Norte.
Ang dinakpan naila nga usa ka 39-anyos nga babaye, inila nga Top 7 Most Wanted Person sa Municipal Level ug residente sa Brgy. Motibot, Sindangan, Zamboanga del Norte.
Nasikop ang suspek pinaagi sa mga personahe sa Sindangan MPS tungod sa krimen nga paglapas sa Section 10 (A) sa RA 7610 nga giisyu sa Family Court, 9th Judicial Region, Branch 05, Sindangan, Zamboanga del Norte, pinetsahan Agosto 13, 2025, ug adunay piyansa nga girekomendar nga mobalor sa P80,000 ka pesos alang sa iyang kagawasan.
Kining malampuson nga operasyon nagpasiugda sa walay puas nga dedikasyon sa mga kapulisan sa pagpakgang sa kriminalidad ug pagpanalipod sa komunidad.(Medalyn U. Borja)
Source: Sindangan MPS ZNPPO