Himas rehas pag-usab sa prisohan ang usa ka Fish Vendor nga User ug Pusher sa ginadili nga Drogang Shabu, diin kini kanhi ng nasikop sa susamang pagsupak sa balaod niadtong tuig 2023, ug karon nadakpan kini pag-usab sa mga personahe sa kapulisan nga miyembro sa Municipal Drug Enforcement Team sa Siocon Municipal Police Station, pinaagi sa gipahigayon nga Joint Buy-Bust Operation, didto sa Brgy. Manaol, sa Lungsod sa Siocon, ning Probinsiya sa Zamboanga del Norte, Agusto 13, 2025 sa may ala 1:18 sa kadlawon.
Gibutyag sa Siocon Pnp, nga atol sa ilang gipahigayon nga operasyon, kauban ang mga personahe sa ZNPPO PDEU maingon man, ang mga personahe sa 905th Coy RMFB9, diin ilang nasakmitan ang nasangpit nga suspetsadong giila sa alyas nga Bugoy, 44 anyos , minyo ug Lumolupyo sa Sitio Dulungin, sa Brgy. Matiag, Lungsod sa Siocon ning maong Probinsiya, og pipila ka mga naka Heat-Sealed Transparent Plastic Sachet’s nga adfunay sulod nga White Crystalline Substance, ug kini gituohang Shabu, nga gibana-banang motimbang og 8 gramos, samtang gibana-bana usab ang kantidad niining mokabat ngadto sa Php54,400.00.
Lakip usab nga nakuha gikan sa kontrol sa dinakapan ang usa ka tibuok nga Php500.00 nga maoy gigamit isip Buy-Bust money, maingon man ang Touchscreen nga Cellphone ug ang pipila ka mga personal nga gamit niini, lakip na ang uban pang mga drug paraphernalia.
Gipadala gilayon ngadto sa Zamboanga del Norte Forensic Unit, Liloy Satellite Office ang mga nakumpiskang Iligal nga Drogang Shabu, alang na sa ipahigayon nga Eksaminasyon, samtang ang dinakpang giila nga High-Value Individual, atua na ubos sa kustodiya sa Siocon Municipal Police Station alang na sa tukmang disposesyon, diin nakatagana na kining moatubang sa kasong pagsupak sa Republic Act 9165 kon ( Comprehensive Dangerous Drug Act of 2002).(Julius Esmade)