Nagtingkagol na karon sa prisohan homan masikop ang usa ka Top 6 Most Wanted person Municipal Level ug Top 10 Most Wanted person Provincial level atol sa gipatoman nga hiniusang operasyon sa mga tinugyanan sa balaod mga alas 3:10 sa hapon niadtong Agosto 4, 2026, sa Barangay Poblacion North, Polanco, Zamboanga del Norte.
Ang maong dinakpan nga wanted person naila 48 anyos nga lalaki nga nalista isip Top 6 Most Wanted Person (Municipal Level) ug Top 10 Most Wanted Person (Provincial Level) kinsa gisikop pinaagi sa Tracker Team sa Polanco Municipal Police Station, uban sa mga personahe sa 1st Provincial Mobile Force Company (1st PMFC), Zamboanga del Norte Police Provincial Office (ZNPPO), sa bisa sa Warrant of Arrest tungod sa Lascivious Conduct ubos sa Section 5(b) sa Republic Act No. 7610 ubos sa Criminal Case No. 28993, nga gi-isyu ni Hon. Nestor Rambulan Angeles, Presiding Judge, Family Court, Branch 3, Ninth Judicial Region, Dipolog City, Zamboanga del Norte nga gipetsahan Agosto 3, 2026, nga adunay girekomendar nga piyansa nga P200,000 alang sa iyang temporaryong kagawasan.
Ang dinakpan gipahibalo sa kinaiya sa iyang pag-aresto ug mga katungod konstitusyon ug anaa na kini karon sa kustodiya sa arresting unit alang sa hustong dokumentasyon ug angay nga disposisyon.(MEDALYN U. BORJA)
Source: ZNPPO