Mobalor sa kapin P13,000 nga kantidad sa ilegal na drugas ang malampusong nakumpiska sa mga personahe sa kapulisan gikan sa usa ka panday atol sa gikasa nga buy-bust operation mga alas 2:28 ang takna sa kadlawon, niadtong Agosto 4, 2026, didto sa Barangay Mucas, Salug, Zamboanga del Norte.
Ang maong nasakmit nga ilegal na drugas nakuha gikan sa usa ka 32 anyos nga panday ,lalaki kinsa gidakop pinaagi sa mga personahe sa Salug Municipal Police Station (MPS) uban sa koordinasyon sa 905th Regional Mobile Force Battalion, PRO9, sa Barangay Mucas, Salug, Zamboanga del Norte, tungod sa giingong paglapas sa Republic Act No. 9165 (Comprehensive Dangerous Drugs Act of 2002).
Atol sa operasyon, nakuha gikan sa dinakpan ang pinakete sa gituohang shabu nga mutimbang sa gibana-bana nga 2 ka gramo nga nagkantidad ug P13,600 lakip ang P500 nga marked money ug uban pang mga butang nga dili druga
Ang nadakpan nga suspek gipahibalo sa hinungdan sa iyang pagkadakop ug mga katungod konstitusyon ug ipaubos sa drug testing ug inquest proceedings alang sa paglapas sa Sections 5 ug 11 sa Republic Act No. 9165.
Samtang ang mga nakumpiska nga ebidensya sa droga isumite sa Zamboanga del Norte Provincial Forensic Unit (Liloy Satellite Office) alang sa laboratory examination.(MEDALYN U. BORJA)
Source: ZNPPO