Dakpan ang usa ka Top 6 Most wanted person (Regioanal Level) atol sa gipatoman nga hiniusang operasyon sa mga personahe sa kapulisan mga alas 7:45 ang takna sa buntag niadtong Mayo 7, 2026, didto sa Purok Everlasting, Barangay Olingan, Dipolog City .
Ang maong dinakpan nga wanted person naila nga si alyas “Jeric” 20 anyos , lalaki, ulitawo, janitor, ug residente sa Relocation Site, Barangay Olingan, Dipolog City, Zamboanga del Norte nga nalista isip Top 6 Most Wanted Person sa Regional Level.
Ang pagdakop gihimo sa mga personahe sa Dipolog City Police Station uban sa mga personahe gikan sa 1st Platoon, ZN 1st PMFC sa bisa sa Warrant of Arrest alang sa Rape nga gi-isyu ni Hon. Nestor Rabulan Angeles, Presiding Judge, Family Court, 9th Judicial Region, Branch 3, Dipolog City, nga gipetsahan Abril 6, 2026, nga walay girekomendar nga piyansa.
Ang dinakpan nga wanted person anaa karon sa kustodiya sa Dipolog CPS alang sa hustong disposisyon.(MEDALYN U. BORJA)
Source: ZNPPO