Sikop sa kapulisan ang usa ka lalaki nga gikataho nga Top 5 Most Wanted Persons kinsa gaatubang sa kasong Sexual Abuse by Lascivious Conduct, niadtong Disyembre 2,2024, mga alas 4:15 sa hapon.
Ang maong dinakpan naila nga si Junrey Herodias Mabalod, 18 anyos, trabahador ug residente sa Purok Gabi, San Pedro, Polanco Zamboanga del Norte.
Nasikop kini pinaagi sa Tracker team sa Polanco Municipal Police Station (MPS) tungod sa paglapas sa RA 7610, Sexual Abuse by Lascivious Conduct,ubos sa pag serbe sa warrant nga giisyu ni Hon. Nestor Rabulan Angeles, Presiding Judge sa Family Court, 9th Judicial Region, Branch 3, Dipolog City ug adunay piyansa nga girekomendar nga mobalor sa Php 180,000.
Ang dinakpan gipahibalo sa iyang katungod sa konstitusyon parihong Miranda ug anti-torture warning law anaa na sa kustodiya sa Polanco MPS alang sa tukmang disposisyon.(Medalyn U. Borja)
Source: ZNPPO