Nadakpan sa kapulisan ang usa ka Top Four Most Wanted Person sa city level tungod sa kasong robbery atol sa joint manhunt operation sa Barangay Potungan, Dapitan City, Zamboanga del Norte.
Ang operasyon gipangulohan sa Dapitan City Police Station isip lead unit, uban ang kooperasyon sa Regional Mobile Force Battalion Nine, Special Operations Unit Mabuhay Special Boat Crew, ug First Zamboanga del Norte Provincial Mobile Force Company. Ang suspek nadakpan pinasikad sa warrant of arrest nga giisyu sa Regional Trial Court Branch Four sa Dapitan City.
Matud sa kapulisan, ang kalampusan sa operasyon resulta sa lig-on nga panaghiusa ug koordinasyon sa nagkalainlaing police units aron masiguro ang hustisya ug kaluwasan sa komunidad.(JENIFFER JR. DELICA)
Source: Regional Mobile Force Batallion 9