Nagpahigayon og gift-giving activity ang Salug District Jail alang sa tanang Persons Deprived of Liberty ilalom sa pagpanguna ni Jail Chief Inspector Samuel A. Nasiad, Jail Warden, isip kabahin sa pagpalig-on sa humane safekeeping ug pag-atiman sa mga PDL.
Ang kalihukan nahimo pinaagi sa boluntaryong tabang ni Mrs. Erlinda Te ug sa iyang pamilya, nga naghatag og tsinelas, shorts, habol, underwear, ug plywood aron mapauswag ang kaharuhay ug dignidad sa mga benepisyaryo sulod sa prisohan.
Matud sa pamunuan, ang maong inisyatiba nagpakita sa gahum sa kaluoy ug suporta sa komunidad sa rehabilitasyon sa mga PDL, ug nagpalig-on sa komitment sa Salug District Jail sa serbisyong may integridad, malasakit, ug pagrespeto sa katawhan.(JENIFFER JR. DELICA)