Miselebrar ang Agrarian Reform Beneficiaries of Marcelo Cooperative o ARBEMCO sa ilang ika-28 nga anibersaryo kagahapon, Enero 6, 2026, sa Barangay Marcelo, Kalawit, Zamboanga del Norte, nga gitambongan sa mga miyembro, lider, ug partner sa kooperatiba.
Gipasidunggan ang kalihukan sa presensya sa mga opisyal gikan sa Department of Agrarian Reform ug lokal nga kagamhanan, lakip si DAR Zamboanga del Norte Provincial Agrarian Reform Program Officer Two Daisy Dell Suan Digamon, Kalawit Vice Mayor Rey Bihag, ug ubang municipal ug barangay officials, isip timaan sa lig-on nga panag-uban tali sa kooperatiba ug gobyerno.
Matud sa pamunuan sa ARBEMCO, ang selebrasyon nagpahinumdom sa halos tulo ka dekada nga paningkamot, kooperasyon, ug dedikasyon sa mga agrarian reform beneficiaries, ug nagpalig-on sa ilang komitment sa padayong kaayohan sa mga miyembro ug sa komunidad nga ilang giserbisyohan.(JENIFFER JR. DELICA)
Photo Courtesy: DAR Zambonorte