Dakpan ang Usa ka Indibidwal nga anaa sa Top 4 Most Wanted Person Municipal Level, tungod sa kasong Statutory Rape, pinaagi sa gipahigayon nga Law Enforcement Operation sa mga personahe sa Zamboanga City Police Station 3 (ZCPS3), didto sa Poblacion Siocon, ning Probinsiya sa Zamboanga Del Norte, niadtong nakalabay’ng adlaw Hulyo 03,2025 sa may ala 1:50 sa kaadlawon.
Giila ang nasangpit nga dinakpan sa Alyas ng “Teban” 29 anyos lalaki minyo ug lumolupyo sa Sangali Jutay, Barangay Tagasilay, Zamboanga City, diin matud pa Zamboanga City PNP, malampuson nilang nasikop ang naasoy nga suspetsado, pinasikad sa Warrant of Arrest tungod sa pagsupak sa Article 266-A, paragraph 1(d) sa Revised Penal Code, nga gi-amendahan sa Republic Act 11648, ubos Criminal Case No. 55859, nga giisyu ni Ivy Ferolino Damayo-Elvina, Presiding Judge sa Branch 7, Family Court, 9th Judicial Region, Zamboanga City, penitsahan og Hunyo 17, 2024.
Walay gitugot nga pyansa ang korte alang sa temporaryong kagawasan sa nahisgutang dinakpan, diin ang maong Suspetsado, atua na ubos sa kustodiya sa Zamboanga City Police Station 3 Custodial Facility alang na sa tukmang disposasyon.(Julius Esmade)