Mitambong sa gipahigayon nga 2025 ALS Graduation Day ang Mayor sa Dapitan nga si Dapitan City Mayor Evelyn T. Uy, niadtong Hulyo 4,2025 didto sa Dapitan City Cultural and Sports Center.
Ang maong gradwasyon gihimo alang sa mga Elementary ug Junior High School gikan sa nagkalain-laing distrito sa eskwelahan ubos sa Schools Division sa Dapitan.
Kini nga mabulukong kalihokan usa ka pagtapos sa mga magtutungha sa ilang pagtuon ilawom sa Alternative Learning System, ug kini gihatagan ug gibug-aton ni Mayor Uy,pinaagi sa pagpabati sa iyang kinasing-kasing ug makahuloganon nga mensahe nga usa ka pagpadasig ngadto sa mga gradwado ug pagpasidungog sa ilang pagkamalahutayon ug determinasyon sa ilang gitinguha nga kalampusan sa pagkat-on.(Medalyn U. Borja)
Source: City Government of Dapitan