Dakpan ang usa ka Top 3 Most Wanted Person sa PRO 9 atol sa gipatoman nga operasyon mga alas 8:30 sa gabii niadtong Mayo 9, 2026, didto sa Brgy.Lewin Lumban.
Ang maong dinakpan naila nga si “Mardang,” 46 anyos, lalaki, ulitawo, construction worker, ug residente sa Sitio Lucas, Santo Niño, Dapitan City, Zamboanga del Norte,nalista isip Top 3 Most Wanted Person sa Regional Level (PRO9), Top 5 Most Wanted Person sa Provincial Level (ZNPPO), ug Top 9 Most Wanted Person sa City Level sa Dapitan City.
Gidakop pinaagi sa mga operatiba sa Zamboanga del Norte Police Intelligence Unit uban sa koordinasyon sa Lumban Municipal Police Station, Dapitan City Police Station, ZDNPIT RIU9, ug ZDN MARPSTA, tungod sa paglapas sa Article 266-A sa Revised Penal Code, nga gi-amyenda sa Republic Act No. 8353 pinasikad sa warrant of arrest nga gi-isyu ubos sa Family Court, Ninth Judicial Region, Branch 4, Dapitan City nga gipetsahan Pebrero 2, 2026, nga walay girekomendar nga piyansa.
Ang nadakpan gidala ug temporaryong gikustodiya sa Lumban Municipal Police Station alang sa hustong disposisyon.(MEDALYN U. BORJA)
Source: ZNPPO