Dakpan sa gikasa nga law enforcement operation ang usa ka Top 1 Most wanted person niadtong Marso 3, 2026, mga ala 1:48 ang takna sa hapon, didto sa Sitio Guingang, Brgy. Guibo, Siayan, Zamboanga del Norte.
Ang maong akusado, naila nga si alyas “Don”, 42 anyos, minyo, mag-uuma ug residente sa samang lugar kinsa gidakop pinaagi sa mga personahe sa Siayan Municipal Police Station (MPS) Tracker Team pinaagi sa warrant of arrest sa krimen nga pagpatay nga naka docket sa Criminal Case No. S-5031 nga gi-isyu niadtong Hulyo 24, 2025 ni Acting Presiding Judge Mundlyn Geonzon Misal-Martin, Family Court 9th Judicial Region, Branch 05, Sindangan, Zamboanga del Norte, nga walay girekomendar nga piyansa.
Ang dinakpan gipahibalo sa hinungdan sa iyang pag-aresto ug mga Katungod sa Konstitusyon sa usa ka pinulongan nga iyang nasabtan ug anaa kini karon sa kustodiya sa Siayan Municipal Police Station alang sa hustong disposisyon ug dugang nga mga proseso sa korte.(MEDALYN U. BORJA)
Source: ZNPPO