Dili babag sa Team Serbisyo Blis ang paghidangat didto sa Barangay Aliguay bisan pa sa kadaku sa balod,aron lamang mahatud ang serbisyo didto sa niadtong Marso 7, 2025, diin nagkahiusa ang nagkalain-laing buhatan sa kagamhanang lokal sa Dapitan aron mahatag ang mga maayong programa o benipisyo para sa katawhan sa maong barangay.
Ang buhatan sa City Social Welfare and Development (CSWDO) gahatag ug 5 kilos nga bugas sa matag 155 ka pamilya, 100 ka pares nga tsinelas alang sa mga bata, ug 200 cups nga champorado alang sa mass feeding. 3 ka quadcane ang gihatag sa mga nanginahanglan.Ug dugang pa ang buhatan City Health Office (CHO) ug mga kawani ang mipahigayon sa libreng medical kunsoltasyon sa 123 ka pasyente ingon man dental check-up sa 15 ka tawo, ug 18 ka bata nga gipangtuli.
Ang buhatan sa City Agriculture mihatag usab ug Hook and Line ug 2 ka makina alang na sa mga mananagat aron mapa uswag ang ilang mga paningabuhi.
Apil usab ang ang City Veterinary Office nga nanghatag ug purga sa 319 ka manok ug 4 ka baboy, bitamina sa 319 ka manok ug 3 ka baboy, ug treatment sa 319 ka manok ug 2 ka iro. Samtang 36 ka iro ug 1 ka iring ang nabakunahan batok sa makamatay nga rabies.
Ang Punong Barangay nga si Hon.Dennis Llena mipaambit sa iyang dakong pasalamat sa maong programa ug sa Team Serbisyo Bilis sa Barangay, nga wala magmakuli sa pag- adto sa ilang isla aron lamang sa paghatud sa buluwanong serbisyo alang sa katawhan.
Ang lokal nga kagamhanan ang padayun sa pagpaningkamot nga anag tanan katawhan sa Dapitan mahatagan sa serbisyo sa ilang mga programa aron maseguro nga matag barangay niini makaangkon sa mga maayo nga serbisyo ilabina sa natad sa paningabuhian ug sa pangkalusugan.(Angelica T. Obina)
Source:Dapitan CIO