Nakuha ang kapin sa P280k nga balor sa nagka lainlain smuggled nga sigarilyo atol sa gipahigayong pagpang ronda sa foot patrol sa mga personahe sa Zamboanga del Norte Maritime Police sa Brgy. San Vicente, Dapitan ning dakbayan karong bag uhay pa lamang.
Sa maong imbestigasyon wala gibutyag sa mga otoridad ang pangalan sa dinakpan diin anaa na sa hamtong nga pangidaron.
Nakuha gikan sa suspetsado ang 5 ka master cases sa smuggled nga sigarilyo nga mobalor ug 286,500.00 ka pesos.
Saysay pa sa mga personahe sa Dapitan PNP nga ang suspetsado naaktuhan kini nga gapahigayon sa pag pamaligya sa nahisgutang kontrabando didto sa nasampit nga lugar.
Sa pagkakaron ang suspetsado ang anaa na sa Dapitan PNP ug mag-atubang sa kasong paglapas sa RA 10643 (An Act to Effectively Instill Health Consciousness through Graphic Health Warnings on Tobacco Products).(Medalyn U. Borja)
Ctto: Regional Maritime Unit 9