Balhog sa selda sa Roxas PNP ang usa ka lalaki kinsa namaligya sa ginadiling drugang shabu pinaagi sa gipahigayon nga drug buy bust operation didto sa lungsod sa Roxas, Zamboanga del Norte, Mayo 6, 2025.
Ang biktima nailhan sa alyas Reymark, 25 anyos ug lumolupyo sa Sitio Pasil, Brgy. Lower Irasan sa nahisgutang dapit.
Nakuha gikan sa posisyon sa suspetsado ang usa ka gamay nga pakete sa shabu nga nagsilbing buy bust item ingon man 500 peso bill isip buy bust money.
Lakip nga nasakmit sa posisyon sa suspek ang lain pang unom ka gagmayng pakete sa shabu, ug mga drug paraphernalias. Diin adunay mokabat sa 3 gramos ang gibug aton nga adunay Standard Drug Price nga mobalor sa 20,400.00. ka pesos.
Ang operasyon gipanguluhan sa Roxas PNP ni PMAJ Roger Bartiana, ACOP, kauban ang 901MC RMFB9 ug ZN 1stPMFC.
Ang suspetsadong dinakpan ang anaa karon sa Roxas MPS ug mag atubang sa kasong paglapas sa RA 9165 kun comprehensive dangerous drug act of 2002.(Angelica T. Obina)
Source: ROXAS PNP