Nagtingkagol karon sa prisohan ang usa ka drug suspek sa pagpayuhot sa ilegal na drugas homan masapon sa mga personahe sa kapulisan atol sa gikasa nga hiniusang buy-bust operation mga alas 12:00 sa kaadlawon niadtong Hulyo 8, 2026, didto sa Purok 1, Barangay Lopoc, Labason, Zamboanga del Norte.
Ang maong dinakpan naila nga usa ka 33 anyos nga lalaking suspek,kinsa nakumpiskahan sa kapulisan sa gibana-bana nga 1.5 gramos nga gidudahang shabu nga adunay gibanabanang Standard Drug Price (SDP) nga Php10,200.00.
Ang pagkadakop sa suspetsado gihimo pinaagi sa Municipal Drug Enforcement Team (MDET) sa Labason Municipal Police Station isip lead unit, kauban ang Provincial Drug Enforcement Unit (PDEU) ug ang 2nd Zamboanga del Norte Provincial Mobile Force Company (2nd ZNPMFC), kauban ang Philippine Drug Enforcement Agency Regional Office 9 (PDEA-9), Zamboanga del Norte.
Atol sa operasyon ,nakuha gikan sa dinakpan ang nagkadaiyang pakete sa gituohang shabu , P500 peso bill isip buy-bust money lakip ang mga butang nga dili druga.
Ang suspek gipahibalo sa kinaiya sa iyang pag-aresto ug mga katungod sa konstitusyon sa pinulongan nga iyang nasabtan ug ang mga nasakmit nga gituohang ilegal nga droga isumite sa Zamboanga del Norte Provincial Forensic Unit (Satellite Office), Liloy, Zamboanga del Norte, alang sa qualitative ug quantitative nga eksaminasyon.
Samtang, ang nadakpan nga suspek gipailalom sa medical examination ug karon anaa na sa kustodiya sa Labason Municipal Police Station samtang nagpaabot sa pagpasaka sa angay nga mga kaso alang sa paglapas sa Comprehensive Dangerous Drugs Act of 2002.(MEDALYN U. BORJA)
ππππππ: ππ½πΏπΏπΎ