Nasikop sa gipahigayon nga joint law enforcement operation sa mga tinugyanan sa balaod ang usa ka suspek sa pagpangawat, pasado alas 11:00 ang takna sa buntag,Hulyo 3,2025 didto sa Barangay Napo, Dapitan City, Zamboanga del Norte.
Naila ang dinakpan nga si Jason Patajan Ledesma, 20 anyos, lalaki, ulitawo, walay trabaho, ug residente sa Barangay Lapayanbaja, Polanco, Zamboanga del Norte kinsa nasikop pinangulohan sa Tracker Team sa Polanco MPS sa pakig-alayon sa Dapitan City Police Station (CPS),tungod sa kasong Robbery nga nakalapas sa (Article 293, Revised Penal Code)
Ang pagkasikop gihimo pinasikad sa warrant of arrest nga giisyu ni Hon. Deborah Page Garcia-Nazario, Presiding Judge sa Municipal Trial Court, Ninth Judicial Region, Polanco, Zamboanga del Norte, pinetsahan Mayo 29, 2025, nga adunay nga girekomendar nga mobalor sa Php 18,000.00.
Ang dinakpan anaa na sa kustodiya sa Polanco MPS alang sa pag-atubang sa nasangpit nga kaso.(Medalyn U. Borja)
Source: ZNPPO