Nagpakita og lig-on nga panagtambayayong ang kapolisan ug mga ahensya sa gobyerno sa pagpalambo sa sektor sa agrikultura human sa pagpanagtag sa 574 ka lubi nga pananum ngadto sa usa ka asosasyon sa mag-uuma sa Tampilisan niadtong Abril 24.
Gipangulohan sa Zamboanga del Norte 2nd Provincial Monile Force Company R-PSB Team ubos ni Edwin D. Verzon ang maong kalihokan, uban sa suporta sa Philippine Coconut Authority (PCA) nga naghatag sa mga planting materials gikan sa ilang Annex Farm.
Gipahigayon ang distribusyon inubanan sa PCA personnel ug sa koordinasyon sa DOLE-accredited Cympil Situbu Alsa Masa Farmers Association, samtang gisuportahan usab sa lokal nga panggamhanan sa Tampilisan.
Kini nga inisyatibo kabahin sa mas lapad nga paningkamot aron mapalig-on ang produksyon sa agrikultura ug mapadayon ang panginabuhian sa mga mag-uuma pinaagi sa paghatag og dekalidad nga pananum.
Gilauman nga ang maong programa makatabang sa pagdugang sa ani sa lubi ug makahatag og mas lig-on nga kita sa mga benepisyaryo, samtang nagpalig-on usab sa relasyon tali sa komunidad ug mga ahensya sa gobyerno.(IKEN B. GULLEM)
Source: Zamboanga del Norte 2nd PMFC