Gipahigayon niadtong Abril 23, 2026 ang fire drill ug fire safety lecture sa usa ka Pharmacy pinaagi sa mga personahe sa Bureau of Fire Protection – Sindangan Central Fire Station nga gipangulohan ni FSINSP Francis Carl T. Paulite, Municipal Fire Marshal.
Nasugdan ang kalihokan pinaagi sa usa ka fire safety lecture diin gihisgutan ang kasagarang hinungdan sa sunog sa mga mercantile establishments, husto nga housekeeping, electrical safety, ug kahinungdanon sa pagmintinar sa fire protection equipment.
Gi-orient usab ang mga empleyado sa hustong paggamit sa fire extinguisher gamit ang T-PASS technique (Twist the Pin, Pull, Aim, Squeeze, Sweep), emergency evacuation procedures, ug pagpabiling kalmado panahon sa emerhensya.
Lakip usab sa kalihokan ang hands-on demonstration sa basic firefighting techniques ug koordinasyon sa emerhensya. Ang maong inisyatibo nagpalig-on sa panag-uban sa BFP ug sa management sa establisemento sa pagpasiugda sa kaluwasan.(IKEN B. GULLEM)
Source: Bfp R9 Sindangan Municipal Fire Station